720 бера лаьрхӀа ишкол хьалъяь яргья Наьсаре 2024-ча шера
13.12.2023 10:40
720 бера йола ишкол хьалъеш латт Наьсарерча Чеченскиоалача урам тӀа. 2024-гӀа шу йистедалалехь, кийча хила езаш я из. Из хоам «Сердало» газетага бир мехка кабмине.
«Из болх беш боахкараш ба «ЭЛИТСПЕЦСТРОЙ» гӀишлонхой. Дикка гаьнабаьнна, къахьегаш боахк болхлой. ГӀишлон гонахье кастта 100% кхоачаш кийча хургья.
«Дешар» яхача къаман проектага гӀолла дӀахьош ба из беркате болх. Укх шера бӀаьстан хана, дӀайолаяьй ишкол хьалъе. 30% кхоачаш йистебаьннаб болх карарча хана.
Бахархой чӀоагӀа гӀадбаха ба кердача ишкола. Дешархошта, хьехархошта доккха совгӀат да из.
