Наьха вахара хьашташца ювзаеннача гӀишлошта тӀадолха наькъаш мукъадоах
22.01.2024 16:14
Наджгоанцхой бетта 21-ча бийсан денз, Наьсарен наьха хьашташца ювзаеннача гӀишлошта тӀадолха наькъаш цӀендеш латт, ара эттача хаоттамо чоалханедерзадарах, яхаш, дийцар «Сердало» газетага доал деча даькъ тӀарча зарбан болх лелабераша.
«Шахьара кулгалхочо, ше массанахьа хьежа ваьлча, лаьрххӀа терко тӀаяхийтар наьха хьашташца ювзаеннача гӀишлошта», - йоах хоамо.
Белгалду, хӀанз укх сахьате, ЖКХ болхлой ца дича даргдоаца балхаш деш ба, шахьара наькъашка хьовзамаш хургдоацаш.
