Наьсаре меттаоттайир чуежа хинна гӀув тӀара кеп
11.03.2024 14:53
Укх деношка, Наьсаре Московски урам тӀа меттаоттайир чуежа хинна гӀув тӀара кеп. Говзанчаша техкачул тӀехьагӀа, ховш хилар цу кепа гом а, гӀувна гонахьара гӀоз а кхы пайдана боацилга, яхаш, дийцар «Сердало» газетага шахьара администраце.
ЗӀамига бер а коа леладу хьайба а цу чу чудожа тарлуш дар.
«Шахьара кулгалхочо Йовлой Урусхана тӀадиллача декхарах, болхлоша тоабир бетона гӀоз, керда кеп а хьайир, гобаьккха асфальтаца дӀачӀоагӀйир гӀув», - йоах хоамо.
