Наьсаре 2024 шера 13 км наькъаш эргадоахаргда
24.08.2023 09:24
«Кхераме доаца дика наькъаш» яхача къаман проектага гIолла, хьатIадоагIача шера 13 км наькъашка асфальт билла лерхI, Дала аьннадале. "Наьсарерча ийс урам тIа дIахьоргба наькъаш тоаду болх. Уж да Наьсар-Керте — 3, 25 км, Могушканаькъан- 1,58, ГIайрбик-хьажий — 1,64, Шаймиева- 2,43, Фабрични- 1,53, ТIаргима цIерагIча- 1,19 км, Барханой- 0,32, Октябрьски- 0,55, Базорканаькъан цIерагIа йола проспект- 0,9 км.
Цу дерригача урамашкара наькъаш керттера лоархIаш да. Цига бахача бахархой дехарах, дIахьош ба болх дукхагIча даькъе. ХьатIадоагIа шу юкъекхаьчача хана, тоадаь хила дезаш да наькъаш«,- дийцар мэре.
«Шоаш беш бола болх лакхача боараме, тIехдика бе беза къахьегамхоша. Из да керттердар», — аьлар Йовлой Урусхана.
