Наьсарен кердача ишкола тӀабода никъ тоабергба
31.01.2025 16:42
ГӏалгӀай Республикан Кулгалхочо тӀадиллача декхарах, Наьсаре болабелар, 720 моттига лаьрхӀа хьалъяьча кердача ишкола тӀабода никъ тоабе. Из гӀишло хьалъяь яьлар 2024 шера, «Дешар» яхача къаман проекта чуйоагӀаш.
Наьсарен мэра Оздой Руслана никъ цӀенхаштта тоабара тӀахьийхавар моттигера хьал долаш вола саг. Укх деношка шахьара кулгалхо вахар Заводской урам тӀа дӀахьош болча балхага хьажа, цига цун къамаьл хилар из болх дӀахьош болча гӀишлонхой викалца, цо мах оттабир даь даьнначун.
700 метр бӀаьха бола никъ йистебаргба, 2025 шера саькура бутт чакхбоалаш. Цул тӀехьагӀа, моттигерча Ӏаьдала бюджетерча ахчах сердал а чуюлларгья. Карарча хана, ишкол болх дӀаболабе кийча я.
