225 эзар сом лочкъадаь зуламхой лохаш я Наьсарера полици
28.02.2025 10:56
«Госуслуги» яхача оагӀон тӀарча ший аккаунте зуламхой чубаьннаб аьнна латкъа вера Наьсарера вахархо полици болхлой болча. Цун банковски карта тӀара 225 эзар сом ахча дихьад зуламхоша. Из хоам «Сердалога» бир Ӏаьдала болхлоша.
«Карарча хана зуламхой лохаш болх дӀахьош да Ӏаьдал. Бахархошка кхайкарал ду, боккъал а лоралуш хила яхаш! «Госуслуги» яхача оагӀон болхлой да тхо яхаш телефон еттарашца къамаьл ма де, малашб ца ховча нахага шоай банковски карта номераш, пароль, е кхыдараш дӀа ма дувца!» - йоах хоамо.
Иштта бола тийшаболх шоашта хиннабале, Ӏалаьмате чехка дӀагӀо полици болхлой болча, зуламхоша шоашца бувзаме боалача хана леладаь адрес, номераш, деррига а дӀадувца Ӏаьдалга.
