Наьсаре кӏурах йизача гӏишлон чура 5 саг араваьккхар, цу юкъе бер а долаш
07.07.2026 14:35
Наьсарен-Шахьаре подвала чу цӏи лотаелар, из я 105 оала моттиг. Цох хоам бера 12:57 сахьат дьлча аьлар «Сердало» газетага Гӏалгӏайчен МЧСе.
Кӏалхарваккхара тоаба хьакхоачача юкъа, чӏоагӏа кӏур эттабар. Цӏи яьнна моттиг яр 20 квадратни метр. Наьха вахара кхерамзле лораеш, сиха оарцагӏбаьнна уж кӏалхарбаьхар. Газах кӏалхарваккхара гӏулакха йиъ тоабо цу кӏура юкъера пхи саг араваьккхар, цу юкъе цхьа бер а долаш.
Цунца цхьана, цӏера духьала къовсам лоаттабераша викалаша кхы а 16 саг кӏалхарваьккхар, царна юкъе дар зӏамига бер», - аьлар тхога къамаьл даьчо.
Цӏи сиха дӏайоайир. Хинна зе, бахьан хӏанз говзанчаша тохкаш да.
