Хоам бу школа доазон тIа 1600 моттига лаьрхIа керда корпус хьалъеш хиларах. Цу юкъе чулоацаш да гIишло чIоагIа хилар а цунна дикал лакха хилар а. Контрактах оттабаь мах цу объекта 482 млн. сом ба. Цу юхе гIолла бахача наха чIоагIа эшаш дар из школа йоккхагIа хилар а из тоаяь хилар а.

ГIишло хьалъе йолайир 2019 — ча шера ООО «СтройМонтаж» яхача подрядни фирмо, бакъда пандемия оалаш дола лазар совдоалаш хиларах лаьрхIача хана из хьалъяь яланзар.

Министро балхага а хьежа, цу юкъе эшаш дола хаттараш тахкар, гIишлон тIахьожам лоаттабечунца а иштта гIишлон даькътIарча кулгалхочунца а дийцар де дезаш дар, царна лаьрххIа дола декхараш тIадехкар.

ХIанз укх сахьте цу даькътIара болх дIахо бодаш ба. Цу юкъе да чура балхаш кердача корпусе из йистеяккхара де мел эашар, цу юкъе йоагIа отоплени чуйиллар, хий хьачудаккхар, канализацена вентиляци яр. Цхьатарра цу балхашца дIахьош да ийнаш Iотохара балхаш а, кораш чIоагдар а, свет чуйиллар а. Къаьнарча корпусашка лардаш чIоагIъяр, кораш наIараш чIоагдар балхаш даьд. Уж деррига балхаш карарча шера сентябрь бутт хьатIабалехьа йистедаьнна хила деза.

Белгалде деза из школа 1972 шера яь хилар. ГIишло яр 700 моттига лаьрхIа, бакъда из а хIанз кхоачамболаш дац, хIана аьлча хIара шера дешархой совбоалаш боагIа.

Специалисташ яхачох из гIишло хьалъяро таро хулийтаргъя I600 -нега кхоачаш бола дешархой чуэца цу школе, цул совгIа къаьнарча гIишлонна тIабода низ а юхабаргба шин сменах деша аха ца безаш. Проекто дIадехачунга хьежача гуш да дешархошта эшаш дола хьалаш укхаза хургдолга. Масала, йоккха актови зал, физиках а кхыйолча предметах а йола йоккха кабинеташ, столови, лорий болх бу моттиг. Школа гонахьара доазув кхы а тоаде дезаш да, цу даькътIа лерхI берашта лаьрхIа спорттивни доазув, бургацах ловзара йола искусственни тIера тоаяь лаьттан чIегилг, кхыдолча ловзарашта лаьрхIа дола доазув а.