«Сатем эттача зале кхетаде хала дацар, ловзаш бараш шоаш, царех дог лазараш мишта садуаш ба, малагӀа котваргва ца ховш. ЖIакех ловзаш хиннарех цхьаккха а вацар тӀехьашкавала безам болаш, котало яккха хьожар хӀаравар. Яхьаш йистеяьлча, цу юкъера кхо саг белгалваьккхар», - йоах хоамо. «ЖIакех йола яхьаш дӀаяхьаро, из хьаькъале ловзар кагирхошта юкъе дукхагӀа доаржаду, цо иштта таро лу чӀоагӀагӀбараш хьакъоастабе, цул совгӀа, уж баха йиш йолаш хул лакхагӀарча боарам тӀа дахьош йолча яхьашка дакъа лаца», - аьлар ишкола кулгалхочо Налганаькъан Мадинас.