Наьсарен Ӏама юхе, хих лорабала Ӏомабу кхетаче дӀайихьар
Укх деношка, Наьсарен бахархошта, ахкан зама латтача хана, Ӏам чу лувчара йола бокъонаш хьалхаяхара хьакъехьа кхетаче дӀайихьар шахьара администраце ЧС, ГО отдела, царна хьехам бу каьхаташ делар, яхаш, дийцар «Сердало» газетага администраце зарбан болх лелабераша.
Говзанчаша хьалхадаьккхар, дукхагӀа йолча хана нах бовш хилара бахьанаш сага лувча могаяь йоацача моттигашка уж лувча овттарах нийслуш да.
«ТӀахьожам боацаш лувчаш долча берашта каст-каста нийслу йӀовхал, шелал вӀашкаотташ дола лазар, дегӀа пхаьнаш озалу, кулгаш, когаш дӀалоац, бовш а нийслу цу тӀехьа. Ӏам латтача моттигашка го йиш я, лувча йиш йоацилга хоам беш дола улгаш, иштта лувча йиш яц корта бохабу малар менна волаш. Цу тайпара уж нах шоай бехках леш хул, шоай таронаш ца йовзара бахьан долаш. Шоашта цу хана фу де деза цахарах, нах геттара кхерабеле, юхебисараш а кӀалбус, царна кхерам чубосс»,-аьлар гӀулакх довзараша.
Белгалдаккха деза, кхерамзле лораяр хи тӀа леладе деза керттердар да, хӀаьта наьк де ховш хилар хӀаранегара хьадехар да.
