ГӀалгӀай къаман
юкъара газет

Кердадараш

Къахьегама шоатта дӀадихьар Наьсаре, бӀаьстан хьалхарча дийнахьа

04.03.2024 11:04

Тайп-тайпарча балха моттигашкара къахьегамхой, ЖКХ болхлой арабаьнна, къахьегама шоатта дӀадихьар шахьаре бӀаьстан хьалхара ди хьаоттарца. Чеченски, Фабрични, Базорканаькъан оалаш долча урамашка хоза лостам бир, из беркате гӀулакх дӀадахьа арабаьннараша. Из хоам тха «Сердало» газетага бир шахьара администраце.

«ООО «Маяк» яхача моттиге къахьегаш йолча тоабо хьаллаьцар из дика гӀулакх, шоашта гонахьара доазув цӀендеш. Шахьара мэрерча болхлоша лостам бир Ӏама гонахьарча моттигашка», - йоах тхога бенача хоамо.

Шахьара администраце кхайкарал ду балха моттигашка, бахархошка къахьегама шоатта дӀаарадовла, из хоза гӀулакх хьаллоацаш хила, яхаш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде