Эргаяьккха тепчеи поатронаши йола саг лаьцар Наьсаре
12.05.2025 15:47
Машина чу герзи поатронаши хинна 37 шу даьнна вахархо Ӏочувигар Ӏаьдала болхлоша. Из хоам «Сердалога» бир МВД.
Фабрични оалача урам тӀа хьалха суд текха вола вахархо чувагӀа «ВАЗ-217030» машин соцайир Ӏаьдала болхлоша. Каьхаташка хьожаш, цар зийра машина чу тепча уллилга.
Чухьежача полицена гучадаьлар, чууллар хьалхагӀа травмат оалаш хинна, хӀаьта хӀанз поатронашца лелае йиш йола эргаяьккха тепча йолга, иштта цу чура корайир 9 мм йола 27 поатрон.
Машин Ӏаьдало Ӏочуйигар, герз гучадаьннар а полице болхлой кара ва. Бокъо йоацаш герз леладарах, бехктокхаме озаргва из.
