110 грамм марихуана яха наркотик яьккхар Наьсарера
12.01.2024 09:34
Чухьежача Ӏаьдала болхлоша 110 грамм наркотик гучаяьккхар, Наьсарерча вахархочун цӀагӀара. Из хоам тха «Сердало» газетага бир МВД болхлоша.
«Тохкама гӀулакхах болча МВД болхлоша, дӀадахача шера аьхки гучадаьккхар, Наьсарерча Керда оалача урам тӀа вахача сага 0,64 грамм наркотик ехка хиннилга», - белгалдир МВД къахьегамхоша.
Цун цӀагӀа чухьежача, Ӏаьдала болхлошта корайир 114, 615 грамм марихуна. Харцача наькъ тӀа ваьнна, дуне дуаш хиннар, Ӏаьдало Ӏочувигав, цун гӀулакх дӀахо тохкаш да.
