Наьсарен кхале ӏунал деча наьха балха мах оттабир
Гӏалгӏайчен Наьсарен кхале белгалдир; наха ӏунал лоаттадар бехктокхаме, дика болх хилар. Доал деча даькъ тӏарча администраце кулгалхочо Овшанаькъан Мухарбика баркал аьлар да-нана доацаш биса дезал хьаийца, царна хӏара дийнахьа шоай йӏовхал луш бахача наха.
Царех цаӏ я Эккажкъонгий-Юрта яха Исмейланаькъан Лейла. Цунна баркал оалаш, сийлен грамота елар; бехктокхаме, безамца, ший декхар дизза кхоачашдеш цо ше тӏаийца дезалхо лелавеш хиларах. Ший аргӏагӏа цо а баркал аьлар Наьсарен кхален администраце да-нана доацаш дисача берий гӏулакхех йолча моттига говзанчашта, эшаш дола каьхаташ доахаш, цар шийна новкъостал дарах, уж хьожаш хиларах.
Доала оттар - из боккха къахьегам а, вахарера лоархӏаме гӏа а ба. Уж бераш тӏаэцача фусамаша шоашта хьалхашка оттадер доккха декхар да. Цар таро лу да-нана доацаш дисача бошта сийрда кхоане хьакхолла, царна дӏалу шоай дега йӏовхал. Иштта фусам нийсъелча бераш а дикача, кхерамзле йолча хьалашка даха таро йолаш хул.
