Наьсарен кхалерча СВО ветерана гӏо дергда
СВО доакъашхо волча баха хилар Наьсарен кхален вахара гӏулакхех болча оагӏон болхло Саганаькъан Мадина, Тӏой-Юртарча администраце, «Даьхен kорбой» яхача ганза болхлой. Из хоам «Сердалога» бир кхален администраце.
«Тӏема доакъашхочун вахара хьал тохкаш хилар цу дийнахьа. Карарча хана шийна духьаллатта кхоачамбоацараш белгалдир бӏухочо, иштта цо дийцар тӏема аренашка шийна хиннача човнех, меттаотта гӏерташ ше токхаш латтача халонех», - йоах тхога бенача хоамо.
СВО доакъашхочун вахара хьал аттача доаккхаш къахьегаргда цу оагӏонцарча болхлоша, эггара хьалхарча оагӏонца кхоачашде дезараш къоастадир цар. Цул совгӏа, арахьа дӏаваха боаггӏача боараме дарба де ахча лургда цунна. Кхален администраце белгалдир, тӏема доакъашхошта гӏо лоаттадар эггара лоархӏамеча гӏулакхех долга. Ветеранашта, цар дезалашта эшачунга хьожаш хургба мехка массахана.
