Уголовни гӀулакх хьадийллар, Ӏаьдала хӀама доаладерзаде гӀертача сага
ГӀалгӀай Республикан Наьсарен кхален прокуратуро тӀахьожама болх дӀабихьар, Серго Орджоникидзе цӀерагӀча ГУПе паччахьалкхен доалахье лелаярах дола закон мишта лорадаьд ха ловш, яхаш, дийцар «Сердало» газетага тӀахьожам лоаттабераша.
«Гучадаьлар, 2300 квадратни метр, ГУПа балансе латта кӀа лораду моттиг, из хьаеннача 2013 шера денз, моттигерча вахархочо лелаеш хилар. Иштта дале а, из цунна дӀаенна хилара каьхаташ доацаш да. Цу сага ший аргӀагӀа кӀа лораду моттиг юха дӀалуц, из бахьан долаш 2023 шера маьтсела бетта цхьоалагӀча дийнахьа денз, предприяте арендах склада лаьрхӀа кхыйола моттигаш лелаяьй, шоай ялат лорадара», - йоах хоамо.
Цу тайпара, цу сага ГУПа зе даьд 714 эзар сома, ворхӀ бетта арендах кхыйола моттиг лелае езаш хиларах. ХӀанз из гӀулакх тохкаш да.
