Йоккхача кхетачен хаттарех дийцар Парламенте
18.03.2025 11:43
Йоккхача кхетаче дашха дезача керттерчарех дувцаш вӀашагӀкхетар дӀадихьар ТӀумхой Мухьмада кулгал деча аргӀанарча парламентерча вӀашагӀкхетаре. Республикерча бокъонашца ювзаеннача проектех, иштта кхыдарех дийцар депутаташа.
Къаьстта теркам тӀабохийташ дийцар цига спорта лаьрхӀа гӀишлош хьалъеча моттигаша йоал дӀачутеларах йолча бокъон юкъе хувцамаш дарах. Рузкъан, йоал телара гӀулакхех йолча комитета хьалхалаттача Дибаранаькъан Мухьмад-Сале белгалдир, кердача бокъоно республикера спорта оагӀонцарча балхашта дикка пайда бергхилар.
Иштта теркаме лаьцар цига сага бокъонех болча оагӀон 2024-ча шерарча докладага ладувгӀар.
