СВО дувзаденнача хаттарех, бахархой тӀаийбу ди хилар Парламенте
02.09.2025 15:46
ТӀема операцеца дувзаденнача хаттарех йола кхетаче дӀайихьар мехкарча Парламенте. Бахархой тӀаийбеш, царца къамаьл деш хилар Халкъа Гуллама депутат, «ЦаӀ йола Росси» яхача фракце кулгалхочун гӀонча вола Йовлой Мухажар.
Цига хьатӀабаьхка хиннача СВО доакъашхой, цар цӀагӀарча наьха хаттараш лаьттан доазув къоастадарца, вахаре цхьацца гӀо дарца дувзаденна дар. ХӀаранега ладийгӀа, дӀахо де дезар белгалдеш, къамаьл дир депутата бахархошца.
