Куран тӀарча атаманаца, кхетаче йир республикан парламенто
ГӀалгӀайчен парламента спикера гӀонча, къаман политикахи, дин оагӀон моттигашкарча, нахацарча бувзамахи йолча комитета кулгалхо волча Паранаькъан Руслана кхетаче дӀайихьар, куран тӀарча атаманаца Алёшин Игорца. Из хоам «Сердало» газетага бир, респбликерча Халкъа Гулламо.
«Иштта цу кхетаче дакъа лоацаш хилар вайцигарча гӀазкхий гӀулакхех йолча суда оагӀон кулгалхо вола Кузнецов Александр. Цига дийцар, республике бахаш болча кхыча къамий наьха бокъонех, Россе гӀазкхашца РФ лелаеча политиках, иштта кхыдолча лоархӀамедарех.
Къамашта юкъе хила безача бувзамахи, бартахи, Ӏадаташ а культура а лораярахи дийцар гулбеннараша. Иштта белгалдир; кхувш латтараш спорта юкъеозаш, дешара оагӀонцарчеи культурани кхетаченашка дакъа лоацаш хила беза, аьнна», - йоах тхогарча хоамо.
Паранаькъан Руслана дийцар, къамий викалашца боаггӀаш бола болх дӀакхахьарах; къамашта юкъера хийрал, цабезам боацаш, вӀаший барта болаш бах нах тахан, аьнна. Иштта йола кхетачеш чӀоагӀа лерхӀаме я, юкъера бувзам ца хадийташ, дукха моттигаш чулоацаш йолча РФ вахар тоадара гӀулакха юкъе.
