2020-ча шера из гIулакх 60, 7 млн. латтар. Укх шера, комитето дIабихьача балхах да: культурни, экскурсионни кхетачеш, къамашта юкъерча гойтамашка дакъа лацар, туризмах йола ассоциаци хьакхоллар, керда туристически портал йоаржаяр, «Чайка» яхача гостинице, моттигаш дукхагIа халийтара тIехьа къахьегар, «Берд» яха отель хьаеллар, туристически кхуврч хьабеллар.

Иштта, уж кийчо еш ба туризма ди дездеча дийнахьа, «Джейрах» яха къамашта юкъера марафон дIаяхьа. Кхетаче белгалйир, тахан, туризма духьала нийслуш йола цхьацца халонаш. Царех я ДжIайрахьа районе латта погранични режим. Ма хетта, из болх дIабахийтара тIехьа, шоаш де лерхIарех дийцар кулгалхочо.

Тоае лерхI: «Арамхи» курорт, «Ачалуки» яха санаторно-курортни кхуврч хьабеллара тIехьа къахьег, иштта погранични режимацара гIулакх а аттачахьа даккха дезарех да. Мизенаькъан Беслана Парламента депутаташкара гIо дийхар, «Эрзи» яха, паччахьалкхен заповедник тоаяра тIехьа.