Цига дакъа лаьцар ГIалгIай Республика НС Кагирхой парламента депутаташа: Аспенаькъан Адама, Гоамакортанаькъан Мустафас, Хамхой Батыра, МГЕР волонтераша.

Ерригачароссен «Таргим» яхача, республике хиннача, форума жамIаш дар дийцараш, иштта хьоахадир, дуккхача наха дакъа а лоацаш дIайихьача, культурах хиннача акцехи мероприятехи дар а.

Халкъа гуллама кулгалхочо белгалбир, вай мехкара де дезачун болам дукха хилар, хьаькъале а кхолламе а къахьега таронаш, регионе, йоккха хилар.

«Къаьстта къонабараш ба, керда проекташ кхоачашъераш. Цар йоах спорте, Iилмане, кхолламе йола — лакхаленаш, шоа а ма совцалаш. Шоашта хьалхашка майрра увттаделаш декхараш, шоай декхараш тIатеIIа кхоачаш а делаш!», — аьлар парламента спикера.

Цо даькъал бийцар кагирхой, сона лов аьлар, шун ираз-аьттув хилар, оаш керда коталонаш яхар вай Республика дегIаяраи, ший куцашца из, кхы а хозагIа хилараи.

Хоам бу, вIашагIкхетар чакхдоалаш, кагирхой политике котбаьннараши волонтераши ГIалгIай Республика Халкъа гуллама кулгалхочун Баркалцеи, хIаьта, иштта Сийлен грамоташцеи белгалбир.