ГIалгIайчен Парламенте совгIат делар, методически тохкамий Ерригроссе конкурса котъялархочунна
В Парламенте Ингушетии прошло награждение победителя Всероссийского конкурса методических разработок для преподавателей русского государственного и родных языков народов РФ в номинации «К истокам народной культуры» — учительницы средней школы № 23 сельского поселения Инарки Малгобекского района Картоевой Айшат Алиевны, информировали газету «Сердало» в пресс-службе Народного Собрания республики.
Парламента вице-спикера Пхьаранаькъан Руслана, Хашенаькъан Азас, Iаьлий Iашат даькъал йийцар коталонца, дукхача шерашка цо дика къахьегар белгал а деш Сийлен грамота а елар.
«Цу моча лерхIамеча конкурсе иштта лакха котало яккхар — хьехархочунна дика толамаш, лакха говзал, лакха професси хилар да», — аьлар Хашенаькъан Азас.
Пхьаранаькъан Руслана ший оагIорахьа, даькъал йийцар из, керда толамаш дахара болча наькъаца, сабарца, хьаькъалца кхоллама говзалца.
2022 шера, сели бетта 26-ча денгара мангала бетта 10-ча денга кхаччалца, методически разработкай Ерригроссе федеральни конкурс дIайихьар, Россе наьна меттал а, иштта паччахьалкхен эрсий меттала а хьехача хьехархошта лаьрхIа. Цига дика толам баьккхар, шийна карагIдоалар гойташ хиннача, ГIалгIайчен хьехархочо Кхоартой Iашата.
Конкурсе дакъалоацаш вар 1000 совгIа саг, уж бар вай берригача мехкара баьхка нах. Конкурса финале чакхъяьнна, 311 сага юкъе, Кхоартой Iашата «К истокам народной культуры» яхача номинацех, хьалхара моттиг яьккхар.
Цига оттабаь хиннача 85 балха юкъе ГIалгIайчера енача хьехархочун болх эггара дикагIа лаьрхIар жюре.
