ГӀалгӀай къаман
юкъара газет

Кердадараш

Парламенте безбир «Сердало» болхлой, газета 100 шу даларца

В честь 100-летия выхода первого номера газеты «Сердало» в Парламенте Ингушетии состоялось торжественное мероприятие, в котором участвовали депутаты, коллектив старейшего печатного издания, представители журналистского цеха, деятели науки и культуры.

Ше къамаьл дIадоладеш, ГIалгIай Республикан Халкъа Гуллама кулгалхочо ТIумхой Мухьмада белгалдир, газето исторена доккха дакъа юкъедена хилар, редактораш, корреспонденташ хьамсара мохк тоабара, лорабара бехктокхаме хилар. ГIалгIай мотт лорабара, моттигерча Iаьдалца айхха бувзам лелабара доккха дакъа юкъеденад оаш.

Тайп-тайпарча ханашка болх беш хьабоагIа «Сердало» газета болхлой даькъалабийцар вице-спикера Хьашанаькъан Азас.

Вай истори, «Сердало» газет юкъе доацаш, хиннадац цIаккха а. Массайолча хана, цу газета кхолламца граждански, профессиональни декхар кхоачашдеш хьадаьхкад вай», — аьлар цо.

Иштта цу кхетаче гулбеннарашта гойтар «Сердалох» дола лоаца фильм, цунга гIолла гуш хилар «Сердало» газета сий дола истори.

Кхетаче иштта къамаьл дир «Сердало» газета керттерча редактора Курскенаькъан Хадижата, цIихезача журналиста, юкъарлонна болхлочо Овшанаькъан Жансурата, иштта кхыча болхлоша. Цар белгалбир итташ, бIаьш цу газете болх баьраш, шоай низ, хьинар дIалуш из дегIадоаладаьраш.

Керттера теркам тIабахийтар редакце кхоачашде дезача кердача декхарашта, таханарча хано дIадехарашта.

Журналисташ тIаийцар, дег чура доагIача дIайхача, хозача дешашца даькъал а бувцаш, совгIаташца белгал а беш. Цар дукхача шерашка хьинаре къахьегарах Сийлен грамоташ, баркал оала совгIаташ делар Халкъа Гулламо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде