Дукхача дезала нана Кокурхой Зита советски ханара дукха бераш дола кхалсаг я ала йиш я, цу хана итт бер даьчул тӀехьагӀа «Нана-турпал» яха цӀи лора, цунца цхьана тешал ду каьхат а долаш. 32 шу даьнна Зита советски Ӏаьдал дехачул тӀехьагӀа яьяле а, цу ханарча ноаношта чӀоагӀа тара я тӀахьежача а. Тахан цун итт кӀаьнк, кхо йиӀиг да. КхойттлагӀа йола йиӀиг яьй, 3 560 кг дозал долаш. Нана а бер а могаш да. «Сона баркал ала ловра перинатальни центра керттерча лора, иштта берригача лорашта, къаьстта сайга хьежача Могушканаькъан Мадинайна, уж дика, шоай лора гӀулакх довзаш хиларах. Со чӀоагӀа раьза я укхазарча хьалашта», - аьлар Зитас, ший бер мархӀадоаллаш палате латташ. Ший байташца советски поэта Джалиль Мусас яздаьча беса: «Вай массаза хестаергья кхалсаг - Нана цӀи яр!»