ЦӀай долаш, лелхача хӀамаех пайда цаэцар дех
Хьамсара ГӀалгӀайчен бахархой а хьаьший а! Вай мехка Ӏадат хинна дӀаэттад, боккхача салоӀамца дӀадодаш дола шу накъадаккхар, цунца цхьана пайда эцаш хул лелхаш йолча хӀамаех, шатлакхех. Хала хете а, массаза диканца чакхдоалаш хилац цу тайпара ловзараш, цхьайолча хана валар-валар а нийслу из бахьан долаш. ЙоаггӀача тайпара хьа ца ярах, лелае еззача тайпара лела ца ярах, уж лелхийтача хана гӀалаташ дувлийтарах доккха во хьахила тарлу: фусамера поартал толхаяр, сага човнаш яр е вер.
Цу тайпара хӀама цанийсдалийтар духьа, ГӀалгӀайчен бокъонаш лораераша чӀоагӀа дехар ду шуга, цӀай долча деношка лелхача хӀамаех пайда ца эцаш, лорале яхаш; хӀана аьлча уж хӀамаш берий теркам тӀаозаш а уж гонахьа гулдеш а хул, зулам даьннарашта юкъе нийсдала тарлу уж а. Цул совгӀа, латташ йола зама а теркалъе еза, хӀана аьлча террористически гӀулакхаш чакхдаха хьажа тарлу зуламхой лелхача шатлакхашка, бенгальски цӀерилгашка, кхыча кердача шерца ювзаеннача хӀамашка гӀолла.
