Пхьилекъонгий Алхаста цӀерах бола урам тоабир

Шахьара моттигаш тоаярах йолча къаман проекта программага гӀолла дӀадихьача хоржамаша 11 эзар совгӀа болча наха тоабе хержар из урам. 120 совгӀа адам дахаш бола урам воча хьале латта дукха ха яр: бехабар никъ, лампаш йоацаш яр, къаьстта догӀан денош латтача хана цига гӀолла дӀаваха хала хулар. Километрага кхоачаш дола доазув тоадаь деррига хувцаденнад: керда асфальт улл, гаьнаш, кӀотаргаш дӀаегӀай, лампаш ехка тоаяьй из моттиг. Проекто дӀалаьцар 8 млн сом совгӀа ахча да. Укх бетта 1-ча денгара 15-ча денга кхаччалца къахьийгар цига.

Мехкадас Келаматанаькъан Махьмуд-Ӏаьлас теркалдир цу юртара нах хоржамашта юкъе дикка дакъа лоацаш хилар. «Моттигерча администраце болх боаггӀача боараме дӀабодаш, бахархоша тӀатеӀӀа хоржамашка дакъа лоацаш хиларах, Пхьилекъонгий Алхаста цӀерах бола урам тоабеш йола проект Буро кӀалхара моттиг тоаярах йолча проектал хьалхаяьлар».