«Дешара, Ӏилманна тӀахьожам лоаттабара йолча федеральни гӀулакха кулгалхочо МузаевгӀар Анзора белгалдир; ЕГЭ дӀаялара дешархой сакхетам совбаккха безаш хилар а, цунна яь кийчо къаьгга гуш хилар а лоархӀаме да, аьнна. Вай хӀанз цу наькъá гаргагӀорташ да, дешара чаккхе еш дола аттестат дийша йистебоалаш луш дола ха я гаргагӀортар, цига белгалбаргба керттерча даькъ тӀа юхакъастараш», - аьлар цо.

Белгалдоаккх, ГӀалгӀайче ЕГЭ хьалххе а дӀалуш йола ха дӀайолалургья, тушола бетта 22-ча дийнахьа денз бекарга бетта 22-ча денга кхаччалца, цига дакъа лаца лаьрхӀа 43 саг ва. Экзаменаш дӀаяла кийчъяь цхьа моттиг хургья.

2024 шера паччахьалкхен, дийша ваьнна хиларах йола аттестаци еш 2421 саг хургва, итт моттиг кийчъяьй цу гӀулакха.

Из лоархӀаме декхар да, из дика дӀадахьаро дегӀадоаладергда кхувш йоагӀача тӀехьенна начӀал, говзал, царна хьаелларгья дӀахо Ӏилм довзара, професси каралацара йола дика таронаш.