ГӀалгӀай къаман
юкъара газет

Кердадараш

Боккха болх дӀахьош, тоае езарех я вай мехкара 450 гӀишло

ВӀаштӀара даь цӀенош тоадара тӀехьа кхеллача программанна юкъелаьцар вай республикера 450 гӀишло. Из хоам «Сердало» газетага бир Мехкадаь зарбан болхлоша. «ГӀишлош даггара хьалъеш латт вай мехка, бакъда хӀара гӀишло ший ха йолаш я. БоаггӀача боараме кулг тохаш, тӀахьожам лоаттабеш къахьегаш хилча, гаьнаяккха йиш я из ха», - белгалдир вай мехкадас Келаматанаькъан Махьмуд-Ӏаьлас, гӀишлош тоаярах йолча программах дувцаш.

Иштта цо хьоахадир, гӀишлой тишъеннача ларда, гонахьарча пенашта кулг тохаш, куц эргадоаккхаш, вай мехка къахьегилга. 100% кхоачаш чакхбаьккхар из болх дӀадахача шера МагӀалбика кхалерча Базорканаькъан цӀерах болча урам тӀарча массехк цӀагӀа, Ӏаларой цӀерахча урам тӀарча № 80 йолча, Осканаькъан урам тӀарча №6 йолча цӀеношка.

Укх шера цу тайпара болх дӀабахьа лерхӀ МагӀалбике, Наьсаре. Вай Мехкадас дийцар; гӀишлой хьал тиш ца далара тӀехьа доккха дакъа лоацараш бахархой шоаш ба, аьнна. Шоаш бахаш йола моттигаш лораеш, доал деш, ханнахьа кулг тохаш хилча, куц кхыча тайпара хургда.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде