ГIалгIай Республике дIадахача шера 7963 бер даьд
В минувшем году в республике зафиксировано 7963 записи о рождении, информировали корреспондента газеты «Сердало» в пресс-службе Министерства здравоохранения Республики Ингушетия.
«2022 шера 3854 лоаман мехкарий, 4109 зIамига къонахий баьб», — аьнна хоам бир лорий боахама говзанчаша.
Белгалдаккха дезаш да, 74 гIалгIай дезалашка шола бераш даьд. Бер даь хилар чIоагIдеш, лаьрххIа кулг яздаь 1219 дезал ба.
2022 шера бе-бе граждански акташ дIаязъяьй 16399. Иштта дIадахача шера 3130 дезал бехаб, да хилар чIоагIдаьд 1765 бера.
Из доацаш а 11 бера да-нана корадир, уж бераш цар шоай доалахьа дерзадарах. Массехк наха юкъе яьржача, хозагIа хетача цIерашта юкъе я Мухьаммад, Iумар, Ахьмад, АбдуллахI, ИбрахIим. ЙиIигашта юкъе Хадижа я. Цул совгIа наггахьа мара ца нийслуш йола цIераш а я маIача наьха: Мусхаб, Гис, Чингиз, Муца, ГIалгIа, Ульван. Эггара кIезигагIа нийслуш йола кхалнаьха цIераш я Набийля, Умида, Санабель, Мира, Абия, Элизабет, Эллая, Сирин, Дарихант.
