ГӀалгӀайчен кхалешка кийчо еш ба, цӀера кхерамзлен Ӏалашо яра
МагӀалбика кхален администраце аргӀанара комиссе кхетаче хилар чоалханерча хьалах лаьца, хаттараш дувцаш кхален кулгалхо Къоастой Ӏадда-хьамид кертте а волаш. Цу кхетачен доакъашхоша дийцар лоархӀаме хаттараш, цу юкъе цӀи ялара кхерамзлен Ӏалашо ярах а, иштта электро-хин-газа Ӏалашонех а, дийцар «Сердало» газетага кхален мэре.
Керттера дийца дош дар электричествоца Ӏалашо яр: юрта даьша дийцар, токаца нийслуш долча кхоачамбоацарех, цхьайолча хана ток тӀакхеташ а тӀерайоалаш а хиларах, из бахьан долаш наьха цӀеношкара бытовой техника йохаш хиларах. Бакъда, «Ингушэнерго» МРСК викала белгалдир, цу даькъ тӀара болх тоабеш латташ хилар, из иштта майнингови оала фермай балхаш наха къайлагӀа леладеш хиларца дувзаденна хила тарлуш долга.
Иштта дийцар хица Ӏалашо ярах дола хьал а - МагӀалбика кхале гӀолла йолча Водоканала ГУП кулгалхочо Мержой Арсамака аьлар тишъеннараш дӀа а яьха керда техника оттаяра болх дӀахьош ба, цо таро лургья хий лоаттадара хьал дикагӀа хилийта, бакъда цох боагӀаш бола мах дӀабалара дош чӀоагӀа лаьгӀа латт.
Кхетаче йистейоалаш, иштта хаттар айдир цӀи ялара кхерам бола ха хьаэтта хиларца дувзаденна.
Чоалханерча хьала гӀулакхех йолча отдела кулгалхочо Бохтаранаькъан Ӏалихана белгалдир, оахамаш дар а гидрантий хьал тахкар а болх бе безаш хилар.
