Культуран цӀа хьалдеш латт лоамашкарча керттерча юрта
16.11.2023 09:51
Къаьнарча гӀишлон меттел; керда, бӀарг тӀаотташ дола культуран цӀа хьалдеш латт ЖӀайрахье.
Из хоам тха газетага бу юртарча администраце. Бахархошта доккха совгӀат да из. ХӀаьта эггара чӀоагӀагӀа цу гӀулакха гӀадъяхар я культуран цӀен кулгал деш йола Цисканаькъан Тамара. Цо дукха шераш даьхад, цу наькъ тӀа къахьегаш.
«Кхозза вӀаштӀара даь хургда культуран цӀа. 250 сага Ӏоховша моттигаш йолаш зал, библиотека, тайп-тайпарча кружокашта лаьрхӀа кабинеташ хургья цу чу; хоза, беркате гӀишло хургья из», - йоах тхога бенача хоамо.
Юрташкара хьал тоадарах йолча программага гӀолла дӀахьош ба из болх.
