ГӀалгӀайчен эрсий театре, Базорканаькъан Микаила спектакль гойтаргья
Паччахьалкхен ашарий-драматически эрсий театре, Базорканаькъан Микаила «ГӀа е бесаш дола сурташ» яхача пьесах оттаяь спектакль духхьашха гойтаргья ГӀалгӀай мехка, оагӀой бетта 20-ча дийнахьа. Республикан бахархой а иштта хьаьший а дика таро я лакха искусство йовза, керттерча хӀаман уйла е, иштта начӀал долча автора хьакхеллача спектакле йовхьамаш ловзаераш, цар оамалаш го.
«ГӀа е бесаш дола сурташ» яха пьеса язъяьр ва ГӀалгӀайчен паччахьалкхен ашарий-драматически эрсий театра исбахьален кулгалхо Базорканаькъан Микаил. Из ва цу спектакла режиссёр-оттаярхо, цига го йиш я сийрда, оамалаш йовзийта хьал», - аьлар «Сердало» газетага театре.
Тхоца къамаьл даьчо ма аллара, Микаила укх наькъа кӀоаргга дувц, шин тайпара уйла еча шин сага шоайла духьалъоттар. Цу даькъ тӀа дикка хоалуш да гӀалгӀай мах бола Ӏадаташ дӀадоалаш латтара из сагота волга. Цига йовхьамаш ловзаераша, шоай болх дика бовзаш, кхолл наьха сурт-сибаташ, царех хӀаране ший дакъа юкъехьу автора уйла кхоачашъяра.
Хьажархо укхаза раьза волаш вусаргва. Спектакль гойта кийчлуш хиларца, ала ловра сона а, «ГӀа е бесаш дола сурташ» яха спектакль гӀалгӀайчен театральни искусствон дика гойтам хинна ца Ӏеш, вай юкъара лоархӀам бола декхараш дувцаш дола кхайкарал а да, аьнна.
