Паччахьалкхен Минпросвещене РФ Гишлони вахара коммунальни боахама министерстваца цхьана, тахан болх дIахьу региональни проекташа конкурсах дакъа лоацаш йола бокъонаш вIашагIйохкаш. Из эшаш да объектий капитальни ремонта субсидеш далара.

ГIалгIайчен республика Дешареи Iилманеи Министра гIонча Дудурганаькъан Асхьаба яхачох, РФ Минпросвещене дIайийха дIаяхьитай 59 дешара организацена капремонт яра йола заявка.

Карарча хана, хьалхарча даькъе я 14 дешара объект, цар список дIаяхьитай ГIалгIай республика Минстрое проектно-сметни документаци кечъе, ремонт яра.

Де эшар фуд а, мел да а аргда ведомствай юкъерча комиссе, ГIалгIайчен Кабмина вице-премьера Фаттахов Тимура аларца юкъейолаяьча. Цу группа чубоагIа Минобразоване, Минстроя, МЧС, иштта Роспотребнадзора специалисташ.

Республика премьера Сластенин Владимира цхьанкхетара доакъашхошта тIадиллар декхар, кхаь кIира комиссе вIашагIйолла, иштта тахка цу белгалъяьча 14 дешара заведеней дефектни акташ, аьнна.