Зеленске санкцешта юкъевахав российски тӀема корреспондент Гӏазданаькъан Мурад
Вай мехкахо RT тӀема корреспондент Гӏазданаькъан Мурад юкъевахав Зеленске санкцешта. Цунца цхьана ва корреспондент Полянский Иван, иштта корреспондент Насср Хассан. Цул совгӀа, цига хьоахабу оператораш Жуков Александр, Кондаков Михаил, Дубровин Сергей. Киеве латтача таӀазара кулгалхо вицваланзар цар ассистенташ Бочаров Николай, Пелешок Андрей юкъевахьа а.
Гӏазданаькъан Мурад цӀихеза российски журналист ва. Ший профессиональни балха тӀехьа из дукхача тӀема моттигашка нийсвеннав. Цо репортажаш яьхай Сире, Нагорни Карабахе, хӀаьта лаьрххӀа йола Донбасс лораеш Россе операци дӀайолайича, цо гойт Украинера бакъдар.
Цо Россе оборона министрага, Президентага кхоачийт бакъдар, цох цо дийцар Москве ший царца кхетаче йолаш.
Ший профессиональни декхар кхоачашдеш,тӀехдика ингалсий мотт ховш волча Гӏазданаькъан Мурада дуненга дувц Киеве латтача хьалах, карарча хана ший даржера ха чакхъяьннача президента Зеленске леладеча нийсхо йоацача гӀулакхех.
