Санкт-Петербурге сийленг оттадергда, Ленинград мукъайоаккхаш хиннача гӀалгӀай бӀухошта
Санкт-Петербурга губернатора хьаллаьцар Ленинград лораеш хиннача ГӀалгӀайчен бӀухой сийна сийлен оттадар, яхаш, дийцар «Сердало» газетага ГӀалгӀай Республикан цигарча викалаша.
«Беглов Александра хьаллаьцар вай парламента, Ленинград йоаккхаш хиннача республикан бӀухошта сийленг оттадара дош», - йоах хоамо. «Оаха доаккхал ду вай мехкахоша, цӀихеза шахьар лораеш, моастагӀчунна духьалъэтта, денал гойтарах. Россе дерригача къамий исторен чуйоагӀаш хургья цар цӀераш, царна карагӀдаьннар!» - аьлар ГӀалгӀайчен кулгалхочо Келаматанаькъан Махьмуд-Ӏаьлас, цу лоархӀамеча денах ше дувцаш.
«Вай турпалхой цӀераш малхайоахаш, цу тайпара сийленг оттадеш хилар чӀоагӀа лоархӀаме да. Цо дицдолийтаргдац Сийлахь-боккхача Даьймехка тӀем тӀа лаьттарий тӀема истори, цар цӀераш», - аьлар ГӀалгӀай Республикан Халкъа Гуллама кулгалхочо ТӀумхой Мухьмада. Белгалду, республикан парламента кулгалхо керте вола викалаш цу кхетаче дакъа лоацаш хинна хилар.
Цар Ленинград моастагӀчо го баь лаьттачара мукъаяьккха 80 шу дизара хетадаь зизаш даьхкар сийленгаш тӀа.
