Шахьарашкара, юрташкара нувхаш арайоахаш; болх дIакхухь
09.01.2024 09:59
2024-ча шера хьалхара денош; юрташкара, шахьарашкара нувхаш арайоахаш; дIахьош да цу моттигашкарча къахьегамхоша. Илдарха-ГIалий тIа дIабихьар из болх укх юкъа. Из хоам «Сердало» газетага бир шахьара мэре викалаша.
«Хаоттам хоза латташ, дIачакхбаккха беза из болх. Нувхаш гулъярал совгIа, шахьарера араяха еза уж. Йовлой Берда цIерах бола, Промыслови оала урамаш цIендеш хилар тхо», - йоах тхогарча хоамо.
Белгалде деза, массане салоIаш хиннача деношка, ЖКХ болхлошта боккха низ тIалаьтталга. Шахьаре нувхаш хьаIовргйоацаш, къахьегаш хиннаб уж хIара денна. Вайх хIаране хам, лерхIам бе безаш доккха дукъ да цу мугIарерча болхлошта тIалаттар.
