ЖӀайрахьара лоархӀаме никъ тоабаь баьннаб
19.08.2025 11:26
«ГӀажарий-Юрт- Оалкам-ТӀаргам-Чми» яха 7,5 км кхоачаш бола никъ йиллача ханал хьалха тоабаь баккха аьттув баьлар, Даьла къахетамца.
Из никъ чӀоагӀа лоархӀаме ба ЖӀайрахь кхыча юрташца хотташ хиларах; цул совгӀа, цу наькъ тӀа гӀолла лоам туристаш хьалчуахарах. Лоаман моттигий хьал тоадарах йолча программан юкъебодаш ба из никъ.
«ЖӀайрахьа кхален моттигашка тахан 4 эзар совгӀа саг вах, хӀаьта вайна тӀалатта лоархӀаме декхар да, гаьна ядача юрташкарча наьха хьал а паргӀатонга кхоачадар», - белгалдир вай мехкадас Келаматанаькъан Махьмуд-Ӏаьлас.
Вахарера моттигаш тоаярах йолча къаман проектага гӀолла укх шера чакхбаьккхача балха юкъе ийслагӀа моттиг я «ГӀажарий-Юрт-ТӀаргам- Чми» яхача наькъа.
