Инаркъерча Укуранаькъан цIерах болча урам тIа, гIашлой никъ буллаш боахк болхлой
16.05.2025 11:56
Укуранаькъан цIи лелаеча Инаркъерча урам тIа, гIашлошта лаьрхIа керда никъ билла арабаьннаб болхлой. 500 метрага кхоачаш бола никъ хургба, бахархой хьал аттачахьа доаккхаш. «Сердалога» из хоам бир администраце болхлоша.
Юртбоахама гIулакхех йолча министерствос, юртара моттигаш тоаярах йолча программага гIолла, дIахьош ба из болх. ХьатIабоагIа бутт чакхбалале, кийча хила безаш ба никъ, Дала аьннадале. Цу программан декхараш - юртарча моттигий хьалаш бахархошта паргIатагIа хургдолча тайпара тоадар.
