Доалахьара хӏама хьадеча моттигашка гӏолла, рейд дӏайихьар Тӏой-Юрта
04.03.2026 11:22
«Лаьттан доазошцара, иштта кхыча оагӏонашцара болх боаггӏача боараме дӏахьош бий хьажа арабаьлар мехка», - хоам бир «Сердалога» Наьсарен кхален администраце.
«Тӏой-Юртарча моттигашка гӏолла рейд дӏахьош хилар, администраце кулгалхочун гӏонча Исмейланаькъан Темарлан хьалха волаш, цу оагӏонцарча балхах йола тоаба.
Иштта цига дакъа лоацаш бар йоалах йолча моттига, Роспотребтӏахьожама болхлой», - йоах тхога бенача хоамо. Цхьацца хӏама хьадераш шоай гӏулакх боаггӏача боараме дӏахьош дий тохкаш бар цига.
Лаьттан доазонаш, иштта цар тӏа хьалъяь гӏишлош каьхаташ долаш йий хьежар рейд дӏахьош хиннараш. Де дезараш хьалхадоахаш болх дӏабихьар нахаца, деррига хӏама ӏаьдала бокъоно дӏадеххача тайпара хила дезилга белгалдир.
