Южни яхача юрта 800 метр никъ Ӏобуллаш латт
15.12.2023 18:24
МагӀалбика кхален Южни оалача юрта, урам тоабеш ба. МахтиевгӀар урамагӀа гӀум, жагӀа вӀашагӀъэбаь, наькъа хьалхара тӀоа Ӏобуллаш латт. Урам дӀоахал 800 метр да. Белгалдаккха дезаш да, уж балхаш моттигерча ахчах деш хилар, яхаш, дувц «Сердало» газетага доал деча даькъ тӀарча зарбан болх лелабераша.
«Ахча хьакхачарца, тхо дӀадолалу хьалхарча аргӀагӀа тоабе безаш бола никъ тоабе. МахтиевгӀар урам фельдшерско-акушерски пункта тӀавугаш ба, цудухьа укхаза из никъ Ӏобиллар лоархӀаме декхар да.
2024 шера иштта Ӏобилла лерхӀ цу урамагӀа асфальт», - аьлар юрта администрацен кулгалхочо Къоастой Муслима.
