Сурхо тӀа хьалъяь йоалаш латт керда ишкол
07.11.2023 17:08
Наьсарен кхален Сурхо тӀа 98% хьалъяь яьннай керда ишкол, цига деша дагӀа йиш йолаш да 320 бер. Цо дӀалаьцад 5951,550 квадратни метр доазув. Цу гӀишлон тӀа болх беш я «Спецстрой» ООО компани, из ГӀалгӀайчен гӀишлошъяра министерствон заказах хьалъеш я.
«Кердача ишколан бюджет 291 миллион сом да. Из хьалъе эшаш дола ахча вӀаштӀехьадаьлар, вайцига мохк агара духьалъотталургйола гӀишлош хьалъяра программа кхоачашъеш хиларах. Карарча хана технологически оборудовани Ӏооттаеш бола болх ба дӀахьош, иштта цӀера кхерамзленца, вентиляцеца бувзабенна болх вӀаштӀехьабоаккхаш ба.
Из гӀишло карарча шера оагӀой бетта дӀачуяла езаш я», - аьлар «Сердало» газетага ГӀалгӀайчен гӀишлошъяра министерстве.
