Яндарера наькъаш тоаде арабаьннаб болхлой
17.08.2026 15:45
Яндарерча наькъий хьал меттадоаладара болх хьинаре дӏахьош ба мехка. Карарча хана Н.С. Хрущева, 8 Марта урамашка къахьегаш боахк болхлой. Из хоам бу «Сердалога» Наьсарен кхален администрацера.
1100 метрага кхоачаш ба меттабоалабеш латта никъ. Хьалхара балхаш чакхдаьха баьннаб цига. Кӏалхара кӏийле шаьръеш, беха никъ хьалбоаккхаш баьхкаб цига, керда асфальт ӏобилла мара ца безаш. Из никъ тоабе аьнна рузкъа деннар ва Яндарера бизнесмен, иштта урамерча бахархоша дакъа лаьцад цу юкъе.
Юртарча администрацеца бувзаме болаш, дӏахьош болх ба из. Проектага гӏолла дӏахьоча балхо дикка меттадоаладергда наькъаш машинашта, иштта гӏаш леларашта паргӏато еш. Наькъий кхерамзлен хьал лорадеча, чӏоагӏа лоархӏаме да из.
