ГӀалгӀай къаман
юкъара газет

Кердадараш

Южне хьалъеш латт, керда фельдшерий-акушерий фусам

ГӀалгӀайчен МагӀалбика кхален Южне хьалъеш латт фельдшерий-акушерий пункт. Из бахархошта чӀоагӀа эшаш йола унахцӀенон балха моттиг хьалъе йолаяьяр карарча шера, цудухьа хӀанз хургйола ФАП бӀаргашта гуш я.

«Укхаза гӀишлон балхаш хьадаьд 60 процентага кхоачаш. ГӀишлон кораш дӀаоттадаьд, хий, канализаци хьачуяьккхай, хий цӀендеш йола моттиг а котельни а хьаяь яьннай. ХӀанз дисар да пенаш хьахар, ийнаш Ӏотохар, йӀовхал чуйиллар. Хьае езаш я, цхьан хӀаман хоам беча хана гургал тохаш йола, гӀишлон чура фо цӀендеш йола ши моттиг, иштта гӀишло арахьара, чухьнахьара кийчъе езаш я, цул совгӀа, гӀишлон доазув а чудерзаде дезаш да. Йиллача ханал кӀеззига тӀехьадусаш да балхаш. ГӀишло дӀачуяла еза ха карарча шера оагӀой бетта я», - аьлар МагӀалбика кхален администраце «Сердало» газетага. 12 миллион мах бола керда гӀишло, Южни оалача юрта хьалъеш я, ГӀалгӀайчен «УнахцӀено» яха къаман проект кхоачашъеш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде