Ишколашка «ЛоархӀаме къамаьл» хилар, Россе Конституцена хетадаь
ГӀалгӀайчен ишколашка массаза санна дӀахьош я «ЛоархӀамечох дола къамаьл» яха урокаш, укх наькъа уж хетаяь хилар Конституце Денна, мехка керттера закон колладалар дездеш. Дешархоша дийцар Конституце тӀа чоагӀъяьча керттерча бокъонех, из хьакхоллара исторех. Урокаш дӀайихьар, безам тӀагӀоргболча тайпара, дикагӀа кхетадергдолча тайпара берашта даьшхар, Россе хӀара сагá Конституци лоархӀаме йолга.
«Дешархошта дийцар Россе Конституци, вай мехка керттера закон долга, цо сага а паччахьалкхен а бокъонаш белгалъеш хилар, иштта хӀара сага бокъонаш лораяра, кортамукъале ялара тешал деш из хилар. Хьехархоша белгалдир Конституци граждански дешара лоархӀаме дакъа хилар, иштта мехка вахача сага цу юкъе дика дакъа лоацаш хила деза», - аьлар «Сердало» газетага ГӀалгӀайчен дешара, Ӏилман министерстве.
Белгалдоаккх, вай мехка керттера закон тӀаийцар 1993 шера оагӀой бетта 12-ча дийнахьа.
