Гӏажарий-Юртарча №3 йолча ишколе, кхетаче дӀайихьар СВО доакъашхошца
Гӏажарий-Юртарча №3 йолча ишколе кхетаче дӀайихьар СВО доакъашхочунца Гаданаькъан Исраилца, из цига деша ваьгӀав, яхаш, дийцар «Сердало» газетага республикан дешара Министерстве.
Ишкола кулгалхочо ГӀулой Анжелас вехарах, Башира Исраил вахар ший хьамсарча ишколе. Денал, майрал гойтарах гварде майор, штаба кулгалхо белгалваьв Ӏаьдало Денала орденца, Суворова майдилгаца, иштта «Тӏем тӀа белгалвувларах», «ТӀема сийле яккхарах».
Кхетаче дӀахьош, бӀухочо белгалдир ший тӀема наькъаш, Даьхенцара безам чӀоагӀа хиларах тӀем тӀа низ чуболаш хилар. Дешархоша боккхача безамца ладийгӀар цун къамаьлага.
Цу тайпара кхетаченаш дӀаяхьар эшаш да кагирхошта, Даьхенцара безам совбоаккхаш бола хьехам балара, шоай мехках доаккхал деш, Даьхе езаш хургболаш уж кхебара.
