Терроризм яхача доккхача зуламах дувцаш йола кхетаче дӀайихьар Заьзгакъонгий-Юрта
05.03.2025 09:57
Терроризм яхача зуламах лаьца дувцаш, кхетаче дӀайихьар Заьзгакъонгий-Юртарча № 26 йолча ишколе. Цига гулбенна хилар терроризма духьала къовсам лоаттабеча комиссе оагӀон хьалха латта Джамболатанаькъан Мухьмад, дийша нах, Ӏаьдала болхлой.
Из хоам «Сердалога» бир кхален администраце. «Къамаьл даьраша берашта хьалхадаьккхар, из бӀеха гӀулакх наха юкъе мишта даржаш да, цох лоравалар, цун духьала къовсам лоаттабар мишта хила деза», - йоах хоамо.
Дешархой хаттараш доашхаш дӀаяхар кхетаче. Цу тайпара болх дӀахойодача хана а лоаттабергболаш ба ишколашка.
