Лайчилла бетта, вурийттлагIча денгара денз ткъесталагIча денга кхаччалца, СФ тайп-тайпарча комитети заседанеш хургья, цига тохкаргда ГIалгIай Республика социальни-экономически дегIайоалаяра хаттараш.

Цига дувца лерхIаш да кхыдола дешаш а. Масала, бюджетни оагIув, АПК дегIаяр, регионера инвестице гIулакх, даьхача толамий мах хоадабар, кхы дукха а.

Хоам бу, цу кхаь дийнахьа ялх доклад хила езалга.

Республика таронех дувца лерхI, ГIалгIай Республика министрий кабинета кулгалхочо Сластенин Владимира, хьалхарча вице-премьера Фурсов Олега, хьалхарча премьера декхараш кхоачашдеш волча – региона Iалама министра Йовлой Мухьмада, ГIалгIайчен культура министра Дзейтанаькъан Тамерлана.

Цул совгIа, мероприяте хьамара, дIаяхьа лерхI спортивни акцеш-футболах, волейболах йола Федераце Совета командеи, иштта ГIалгIай Республика спортивни командеи, шоайла ловзаргья.