«Тайп-тайпарча даькъоашка 135 дешархочоа совгlаташ делар. Хучбаранаькъан вежараша Исмаlала, Адама, Илеза, Рамзана, Ислама. Бархlазлагlа ю цар цу тайпара кхетаче. Котбаьннарашта юкъе бар Яндарера, lаьлий-Юртара, Сурхо тlара дешархой. Кхоалагlча даькъе 34 бера, юкъера дlалаьрхlача 75% пхиаш ярашта, кхоъ юкъе йоацаш, 75 балл кхаь Ӏилмах экзаменаш тӀа яьккхарашта, ахчан совгlат а сийлен грамота а елар. Шоллагlча даькъе чаккхен оценкаш: 90% совгlа пхиаш яле, кхоъ юкъе йоацаш реферата презентаци е ишколе язъеш йола доклад язъярах, 90 балл кхаь предметах экзаменаш дlалуш яккхарах, 64 саг котваьлар. Хьалхара моттигаш яьхараш 21 саг вар, цар оценкаш 100% пхиаш яр, царца бар кхаь Ӏилмах экзамен луш 100 балл яьккхараш. Цул совгlа, 27 дешархочоа майдилгаш елар», — йоах хоамо. Юххьанца оаха тхоашта хьалхашка декхар оттадаьдар: берий терко тlаозаргйолаш, царна карагlдоалар шерагlа довзаргдолаш, начlал дола бераш белгалдергдолаш. Уж еррига совгlатий оагlонаш йолаш я, кхы а цу тlа lотlакхийттай «Дикагlа вола да е нана» яха цхьаькха оагlув. Бакъда цу юкъе дукха тоаде дезаш хаттараш да, цар тӀа, лерттlа уйла а еш, къахьега деза», — аьлар из вlашагlделлачарех цаӀ волча Хучбаранаькъан Адама.