Наркотикаша кагирхой вахаре доаржадеча зуламах дийцар, Сурхо тӀа дӀайихьача кхетаче
15.05.2025 11:04
Сурхо тӀарча культран цӀагӀа исбахьален оагӀонцарча балха кулгал деш йолча Доданаькъан ПаьтӀамата «Ак- наркотикашта» яха кхетаче дӀайихьар берашца. Из хоам «Сердалога» бир цу моттигера.
Кхетаче дийцар, наркомани яхача доккхача зуламо сага вахар толхадеш хиларах, унахцӀенонна зе деш хиларах. Цу хӀамах хьокхабеннача наьха вахарера цхьацца хӀамаш дийцар гулбеннарашта.
«Шоай тахка безам бола хаттар луш дӀайихьар бераша из кхетаче. Къаьстта йоккха терко тӀайохийташ дийцар халача хьале нийсбеннача кагирхой оагӀув хьаллацарах, царна эшаш дола гӀо дарах», - йоах газетага бенача хоамо.
Кагирхой шоай вахара никъ, унахцӀено, наха юкъера цӀи лораяра тӀахьехаш, вӀашагӀъелла кхетаче яр из.
