1000 метрага кхоачаш бола никъ тоабеш латт Йоккхача Ачалкхе
04.12.2023 22:58
Наькъаш тоадеш бола боккха болх дIакхухьаш латт МагIалбика кхале. Керда никъ буллаш, из тIера нийсбеш, боахк Коталон 70 шу дизара цIерагIча урам тIа. Хьалхарча аргIагIа кIалха гIуми зIамига кхереи тесса, цу тIа асфальт IотIабиллар болхлоша. Иштта бола никъ дикка дукхагIа латтаргба. «Сердало» газетага из хоам бир МагIалбика кхален зарбан болх лелабераша.
«2023-гIа шу наькъашта лаьрхIа шу хилар. Юрташкарча 20 урам тIа керда наькъаш дехкар. Керда никъ Iобилла урам 1000 метрага кхоачаш ба. Муниципальни ахчах дIабихьаб из болх», - белгалдир кхален кулгал деча Къоастой Iаддал-Хьамида.
